La Corse est la région la plus pauvre de France métropolitaine selon une étude de l'INSEE
In u 2020, sò 18,3 % lla pupulazioni à campà da suttu à a limita lla puvartà. A media in francia hè à 14,4 %.
Quissa, a dici l’ultimu studiu di l’INSEE.
Issa limita hè data à 1 120€ à mesi, ciò chì currispondi à i 60 % llu liveddu di vita midianu metropulitanu.
A Corsica hè dunqua a righjoni a più povara lla francia metropulitana.
A mità di i famiddi povari campà cù menu di 890€ à mesi. U scartu cù a francia hè ancu più forti pà l’anziani : in Corsica, a puvartà cresci cù l’anni, à u cuntrariu di a francia.
Com’è à liveddu naziunali, a puvartà tocca particularmenti i famiddi monoparintali : sò 27 % di quissi à essa da suttu à a limita di a puvartà, ind’è no’.
Issi dui rialità toccani principalmenti i donni.
In u tarritoriu isulanu, a puvartà ci hè di più in i spazia campagnoli scantati.
L’aiuti suciali contani par 29 % di ciò ch’iddi toccani i famiddi povari. In francia toccani i 37 %, ben’ chì a puvartà sichi più alta ind’è no’.
U pinseri di l’alloghju, dinò, hè più forti in Corsica.
Par ciò chì tocca à i ziteddi – chì sò in cori sempri à i pulitichi di lutta contru à a puvartà – a parti di quiddi chì campani in famidda monoparintali o incù parenti senza travaddu hè alta bè, in l’isula.
