La Corse-du-Sud placée en vigilance jaune canicule : jusqu'à 40° attendus
Attenti à u caldu : Météo france hà missu u Pumonti in vighjulanza giadda parvia di u risicu di caldamoni, à parta si da marti à dui ori llu dopu meziornu, è sinu à ghjovi à u minimu.
Parvia di l’effettu dittu di foehn, s’ani da tuccà i 36 o 38°, è ancu i 39° in u Vaddincu è u golfu di Portu.
Di notti, trà marti è marcuri, i minimi s’ani da mantena trà 20 è 24°, è ancu trà 25 è 26° in certi loca.
Marcuri pudaria essa a ghjurnata a più calda : si pudariani tuccà i 35° in cor’di matinata, è à u più altu si pudaria ghjunghja à 37 o 39°. A locu à locu, si pudariani ancu tuccà i 40°.
Di notti, trà marcuri è ghjovi, da suttu à 20° ùn si falarà ! U risicu di u caldu buddonu ci duvaria essa sempri pà a ghjurnata di ghjovi.
À spiicà issi caldamona sò u sciroccu chì tocca l’isula è l’effettu di foehn, chì hà da tuccà pà u più u Sartinesu, u Vaddincu è i circonda aiaccini.
À senta ni à Météo france, pà issi stesi chivi, u caldu duvaria essa misuratu in ghjurnata trà 35 è 38°, è pò ancu essa 40° !
Sur le même sujet
