La Corse à l'export
(A redazzioni d'Alta Frequenza) - Emi dighjà ammintatu ssu sughjettu cù Nicole Bricq, a ministra di u cumerciu di fora, chì hà fattu a settimana scorsa una visita di dui ghjorni in Corsica. Ssi dui ghjurnati, rammintemu la, erani cunsacrati à u scontru, in situ, o in vivu com'ella vi pari, cù intrapresi corsi chjuchi è mezani chì ani scrittu l'espurtazioni ind'u so schema di sviluppu. A ministra - è ùn hè micca a prima - hà dittu chì u "fà corsu" era un "fà venda" putenti ed hè dunqua ssa direzzioni chì - d'appressu à ella - devi essa presa pà parta pà ssi stradi difficiuli liati à l'espurtazioni. Hè l'ughjettu d'altrondi di u partenariatu firmatu in u 2006 trà l'ADEC è UBI France, l'agenza francesi pà u sviluppu internaziunali di l'intrapresi, chì si prulungheghja sempri oghji cù lei incù a China, a Russia o ancu u Reami Unitu. BPI France export, gruppu publicu di finanziamentu è d'investimentu pà l'intrapresi participeghja à ss'iniziativa quì; pricisemi chì BPI hè divintata oghji a casa maestra d'OSEO (ecchisi Anvar), è Cécile Donsimoni hè a direttrici d'OSEO pà a Corsica.
Écoutez-la.
