La communauté éducative des collèges et lycées de Corse va rendre hommage au professeur assassiné à Arras ce lundi
Collège Laetitia, à Aiacciu
Parvia di l’assassiniu d’un insignanti attaccatu à u culteddu vennari in Arras, ind’iddi sò stati ancu ferti trè parsoni, l’Aducazioni Naziunali hà presu calchì misura par luni.
Hè statu dicisu un tempu banalizatu a matina, in ugni culleghju è liceu di francia, da pudè avè unu scambiu umanu è pedagogicu à tempu trà i culleghi d’ugni stabilimentu. Cusì sinu à deci ori, ùn ci ni sarà cursi pà l’elevi.
Par quiddi chì si dispiazzani via i trasporti sculari è chì i parenti ùn li poni accumpagnà à deci ori, u sirviziu di trasporti si farà à l’ora abituali, è ci sarà un’accolta à minima da ch’iddi poschini aspittà a ripresa.
Infini, da ch’iddi poschini avè ancu iddi, i prufissori di i scoli, un tempu di scambiu à u posu lla meza ghjurnata, l’umaghju si farà à dui ori, cù una minuta di silenziu in ugni classa, in mimoria di i vittimi d’attintati contru à a scola.
In u primariu, iss’umaghju devi pudè avè formi adatti à l’età di i ziteddi.
Sur le même sujet
