La Commission des lois constitutionnelles est en Corse aujourd'hui
Hè in Corsica issu ghjovi « a cumissioni di i legi custituziunali, di a ligislazioni è di l’amministrazioni ginirali di a ripublica ».
Issa visita l’hà iniziata Sacha Houlié, u prisidenti lla cumissioni, da rilancià u travaddu à nantu à a rivisioni custituziunali annunciata da u prisidenti francesu macron, mentri a so visita in Corsica u 28 di sittembri.
Hè via i pruposti d’issa cumissioni ch’iddu si farà u dibattitu à l’assemblea naziunali francesa, pà u statutu à vena lla Corsica.
Hè dunqua issa visita un evenimentu impurtanti in a via di a supposta autunumia.
Mentri a so visita, a cumissioni hà da andà à u riscontru di Gilles Simeoni è di Marie-Antoinette Maupertuis. Una riunioni di travaddu hè privista cù i prisidenti di i gruppi di l’assemblea corsa.
In primu dopu meziornu, si farà una riunioni à nantu à a timatica di i « tarritoria » in prisenza di i parlamintarii corsi, di i prisidenti di l’associ di i merra di Corsica, di i merra d’Aiacciu è Bastia è di i prisidenti di i cumunità d’agglumirazioni.
