La CAB et le SC Bastia mettent en place des navettes pour le match SCB-Lens de samedi
(Julien Pernici – Alta Frequenza) - A cumunità d’Agglumerazioni di Bastia è u Sporting Club di Bastia si liani, pà prupona à i sustenidori di i turchini, trasporti in autobus issu sabbatu. Issi mezi di trasporti, chì ani da parta à 13 ori è 15 di a Piazza San Niculà pà a prima, è di l’uspidali pà a siconda, parmittarani à i sustenidori di u SCB senza mezu di spiazzà si, d’andà in Armand Cesari, pà u scontru contr’à Lens, à 14 ori è 30. A squadra hà annunziatu chì discussioni sò in corsu da metta in ballu, à partasi da u 2012, un dispusitivu simuli pà u Grandi Bastia, in cullaburazioni cù i Camini di Farru di a Corsica. Una bona nutizia pà i sustenidori chì pudarani scantà si cusì di l’ingorghi, è à a ricerca più cà difficiuli di una piazza di staziunamentu. I parcorsi di i dui autobus sò dispunibuli nant’à sc-bastia.com
Sur le même sujet
