Le Direct

L'Organisation mondiale de la santé considère qu'il ne pas surtout pas assouplir les mesures de confinement en Europe

L’Urganisazioni Mundiali lla Saluta hà dichjaratu marcuri chì, ben ch’iddi ci sichini uni pochi di segni pusitivi in certi paesa d’Auropa, ùn hè ora d’allinà i misuri da cuntena u sparghjimentu di u coronavirus.

Ci vurria ancu à « multiplicà par dui o trè u sforzu cullittivu da scaccià u siscu, cù u sustegnu di a sucità sana » hà spiicatu Hans Kluge, u dirittori di a parti aurupeana di l’OMS, in una cunfarenza di stampa spartuta in ligna da Cupinaga.

L’OMS dumanda à « ugni paesu » di fà crescia i sforzi à trè liveddi : a prutizzioni « fisica è mintali » lli parsunala di saluta, u scartu mantinutu trà « ghjenti in saluta è casi suspetti », è a cumunicazioni à i pupulazioni.

L’OMS hà dumandatu à i guverni è à l’auturità di mantena i strutturi di cuntrollu, ma dinò di cumunicà sempri, da chì ugnunu si metti in cunfurmità cù « i misuri attuali o à vena ».