L'IRA de Bastia fait don de matériel informatique à l'association CorSénégal
Calchì ghjornu fà, l’Istitutu Righjunali d’Amministrazioni di Bastia hà fattu donu di deci urdinatori à l’associu CorSénégal.
Iss’associu, sò parichji anni ch’iddu lia Corsica è Senegalu via azzioni umanitarii.
U prisidenti n’hè Mamadou Faye, l’anzianu ghjucadori di u SC Bastia. CorSénégal hà dighjà pruvistu incù dicini d’urdinatori parichji scoli primarii llu paesu.
Ancu puri ch’iddu faccia altri uparazioni l’associu, spieca Mamadou Faye chì l’accessu à u numericu pà i ziteddi sinigalesi hè una priurità, ed hè cosa indispinsevuli in u mondu d’oghji.
Steti à senta à Mamadou Faye.
Cù a chjuditura di u cibercaffè internu à u stabilimentu, l’IRA hà pussutu ricuparà issu matiriali in bonu statu da porghja lu à issi ziteddi sinigalesi.
L’IRA, voltu sempri à l’internaziunali, hà da sviluppà i lei cù u Vietnam da quì à a fini di l’annu.
Steti à senta à Gérard Clerissi, u dirittori di l’IRA di Bastia.
