L'indispensable sensibilisation à la beauté architecturale et environnementale
(A redazzioni d'Alta Frequenza) - L’Agenza di u turisimu di a Corsica hà firmatu pocu fà una cunvenzioni di partenariatu cù i dui C.A.U.E di Corsica, i dui cunsighji d’architettura, di l’urbanisimu è di l’ambienti. Quissa quì t’hà com’è scopu di sinsibulizà a pupulazioni à u patrimoniu, à u quadru di vita, à l’architettura è à l’urbanisimu ed hè distinatu in particulari à i parsoni chì si lanciani ind’a risturazioni di i custruzzioni anziani pà trasfurmà li in ciò chì si chjama « gîtes » rurali. Ci voli à dì chì troppu suventi si vedi tuttu è n’importa chì in materia di risturazioni di i casi di paesi è và da a distruzzioni simplici di u spiritu stessu di ciò chì hè custruitu à u rinnovu propiu fiascatu è di gattivu gustu di ciò ch’ella fù una casa di paesi tradiziunali. Parchì a billezza architetturali è ambientali hè dinò un veru pruduttu turisticu, l’A.T.C s’hè lanciata in ssa sfida forti è i C.A.U.E sò quì pà aiutà la.
Steti à senta à Katia Maïboroda, direttrici di u cunsighju d’architettura suttanacciu.
