L'incubateur Inizià veut aider les start-ups à se rendre attirantes auprès de lui avec le pass Inizià
U incubatori Inizià, chì porghji sinu à 800 000 € à l’annu à parichji startup corsi da ch’iddi poschini rinfurzà i so prughjetti, hà missu in anda pà u sicondu annu di fila u so Pass.
In Aiacciu è in Bastia, sò stati scelti, trà mezu à quaranta candidati, sei purtadori di prughjetti. Quissi pudarani binifizià d’una furmazioni di dui ghjorna : chivi sarani aiutati da sperti, da ch’iddi si prisentini bè è meddu davanti à a ghjuria di u incubatori, da pudè cunvincia è uttena finanzamenta.
Di fatti, l’incubatori saria un pocu quì com’è una classa priparatoria, chì pirmittaria à i purtadori di prughjetta di sfinazzà i so idei. Da culandi à u incubatori, ci hè a pussibilità di purtà i prughjetta à finanzadori com’è a BPI o Femu Quì.
Ma ci hè dinò a pussibilità d’apra una via à i ingigneri furmati da Paoli Tech. Quissa, hè una sfida di quiddi impurtanti pà Jean-Nicolas Antoniotti, prisidenti d’Inizià è di Paoli Tech.
Steti lu à senta.
Trà i sei à pudè binifizià d’issa furmazioni, ci hè Pierre Carlotti. Iss’anzianu pilottu di caccia, fundatori d’Aria Firefighting, intarveni in u duminiu di i foca di furesti.
A so startup hè stata dighjà attiva issa statina, incù quattru bumbardieri d’acqua in u dipartimentu di l’Hérault. Pruponi una fluttiglia privata d’avviò chì portani acqua quant’è i Tracker, ma chì sò à veru à bon’pattu, masimu quand’iddu si fighjola u prezzu à l’ora d’un Canadair.
Pierre Carlotti vurria chì a so brigata privata d’intarvinzioni à nantu à i principia di foca piddi à veru u so volu.
Steti lu à senta.
Sur le même sujet
