L'humoriste controversé Dieudonné annonce des spectacles à Porto-Vecchio et Ajaccio
(A ridazzioni d'Alta Frequenza) - L’avarà da fà i so spittacula in Corsica, Dieudonné, u 15 è u 16 di luddu ? A quistioni hè oramai posta, chì cresci a pulemica à nantu à a reti. À nantu à u so situ, dieudosphère.com, l’accerta l’umuristu : i so spittacula i farà, u 15 in Portivechju è u 16 in Aiacciu. D’altrondi, si poni cumprà i piazzi via issu situ, chì ci impara chì l’affari principiarà à 7 ori di sera. U pinseri hè chì Georges Mela, u merri di Portivechju, hà dighjà fattu sapè ch’idd’era uppostu à issa prisenza in la cità llu sali. Hà dittu, pà issi reti suciali, chì a Corsica, in lu so passatu, si hè fatta cunnoscia cù a so capacità à pruteghja a pupulazioni ghjudea. È Dieudonné, ghjustamenti, faci pulemica, è ùn hè a prima volta : hè statu incausatu, parichji volti, par pruvucazioni, incitazioni à l’odiu razziali è parolli antisemiti. À senta à Georges Mela, a ghjunta di Dieudonné in la so cumuna porta « disturbi à l’ordini publicu », ma hè supr’à tuttu un’inghjulia, un’uffesa à a noscia storia cullittiva. Ci sarà issu spittaculu in fin’di contu ? Par avali ùn si sà... Si dici chì u publicu ùn l’impararia chè u ghjornu privistu, via un SMS
Sur le même sujet
