L'export, peut-on y croire ?
(A redazzioni d'Alta Frequenza) - We are the champions, my friend! Ùn avemi micca ripresu ssa canzona famosa di Queen, in fin di settimana scorsa à l'uccasioni di a visita di a ministra di u cumerciu di fora, ma u spiritu c'era. Dopu avè scontru parechji patroni d'intrapresi leaders ind'u settori è chì s'impegnani assai oghji nant'à u marcatu à l'espurtazioni, omu hà incalcatu parechji volti nant'à u carattaru campionu di ss'iniziativi quì. Hè vera chì d'espurtà l'acqua San Ghjorghju in China, prudutti infurmatichi ind'u mondu sanu, pezzi d'avviò o prudutti agro alimentarii o cusmetichi, pò fà di a Corsica una campiona. Ma ci voli à fà rifalà a nostra fiertà naziunali è righjunali insistendu bè nant'à un puntu essenziali: si tratta bè di marcatu riduttu è dunqua marghjinali. Ùn ci voli micca à sunnià dunqua aspittendu chì millai di tunnellati di prudutti di Corsica inundessini i marcati mundiali ind'i settori ammintati. Si pò creda à l'espurtazioni? Jean Zuccarelli, presidenti di l'ADEC, ùn hà micca schisatu ssa dumanda difficiuli.
Ecoutez-le.
Sur le même sujet
