L'ex-sénateur Joseph Castelli condamné à quatre ans de prison dont trois fermes pour trafic d'influence passif
Marti, u tribunali currizziunali di Bastia hà cundannatu à Joseph Chiarelli, l’anzianu sinatori llu Cismonti, à quattru anni di prighjunia, cù trè fermi, à mutivu di trafficu passivu d’influenza. Joseph Castelli, ch’ùn c’era in tribunali, t’hà un mesi par prisintà si à l’auturità, da difinì i cundizioni lla so incarciarazioni, chì issa cundanna viaghja cù un mandatu d’arrestu.
À issa prighjunia hè aghjunta un’amenda di 100 000 auri è à cunfiscazioni, par 300 000 auri, lla so casa.
Issa cundanna hè liata à a custruzzioni d’issa casa, chì u so prezzu n’era statu calatu bè, in iscambiu di marcati publichi cuncessi à impresi di bastimentu. À l’epica, trà u 2009 è u 2016, Joseph Castelli era prisidenti llu Cunsigliu ginirali llu Cismonti.
In issu cartulari chivi dui imprisaria chì ani, à senta ni a ghjustizia, prufittatu di issi larghini, sò stati cundannati à dui anni di prighjunia attimpati, è à 80 000 è 250 000 auri d’amenda. Duvariani fà appellu, com’è Joseph Castelli d’altrondi, d’issa cundanna.
Un terzu imprisariu, hè statu cundannatu à un annu di prighjunia attimpatu, è à 15 000 auri d’amenda.
Sur le même sujet
