L'Europe, utile ?
(A redazzioni d'Alta Frequenza) - Ferma solu una decina di ghjorni par chì l'alittori vutessini pà u o i diputati chì raprisintarani i so rughjoni in u Parlamentu Aurupeu. L'ultimi sundami publicati in a stampa cunfirmeghjani a tindenza chì hè spuntata dipoi parechji sittimani. Si duvaria participà cà pocu à ss'alizzioni à un nivellu forsa mai cunnisciutu pà ssu gennaru di scrutinu. L'Auropa, hè calcosa di luntanu, è ùn ghjova à nulla, ss'infrasata divintata cumuna hè à a moda in ssu mumentu eppuru, in materia d'affari aurupei, bastaria d'apra l'ochji. Tutti quilli intarissati appena da a vita publica è chì fighjulani certi volti i pannelli chì prisentani un cantieru maiò ni sapparani di più. A participazioni di l'Auropa à ssi travaghji hè altissima, 50 è 60% certi volti, propiu luntanu da ciò ch'elli investiscini i cullettività lucali chì participeghjani suventi solu à 20 o ancu 10%.
Steti à senta à Sylvie Guillaume, siconda annant'à a lista PS purtata da Vincent Peillon, chì era in visita in Corsica calchì ghjornu fà.
Sur le même sujet
