L'Ecole Technique Privée de l'AC Ajaccio pour une formation "complète" des jeunes espoirs
(A redazzioni d'Alta Frequenza) - I dirighjenti di l’AC Aiacciu aviani invitatu a stampa stamani (luni) ind’i lucali di u Centru di u Sport è di a Ghjuventù di Corsica (CSJC), pà annunzià a criazioni di una scola tennica privata. Quissa quì, liata à u centru di furmazioni di l’ACA, si cumponi par avà di dui scoli di Prima è di Tarminali STG, cù ori accunciati da fà chì i ghjovani ghjucadori di ballò pudissini gistiscia à u meghju studii è furmazioni spurtiva, ch’elli siani interni o fora à u centru. Un prughjettu nant’à u quali i dirighjenti aiaccini travaghjani dipoi assai mesi, è chì custitueghja una nuvità in Corsica. Insignanti è furmatori sò stati d’altrondi scelti sicondu à criterii belli pricisi, in leia cù a pulitica di a squadra aiaccina. Pà iss’ultima, issa struttura, finanziata di modu sclusivu da l’ACA pà u mumentu, t’hà pà scopu primu a custruzzioni di l’individu, è d’offra lu parechji urientazioni dopu à u bascigliè è altri vii, in casu d’assenza di riescita ind’u mondu di u ballò prufessiunali.
Écoutez Léon Luciani, vice-président de l’AC Ajaccio, qui nous présente cette école
Sur le même sujet
