L'association Sporting Bastia 92 organise une initiation au foot en marchant pour aider l'association Rêves de Gosses
Duminica, l’associu Sporting Bastia 92, chì s’accoddi i ghjucadori di u SCB di tandu, hà da renda umaghju à René Exbrayat, l’addistradori d’issa squadra mortu calchì mesi fà.
U so nomu hà da essa datu à l’attellu d’iniziazioni à u ghjocu à ballò marchjendu, urganizatu da novi ori à un’ora à u C5 Stadium di Bastia. Iss’attellu hè apartu à l’omini di 45 anni è più, è à tutti i donni. Urganizatu da fà cunnoscia issa pratica nova di sport di saluta, iss’attellu ghjuvarà ancu à urganizà una luttaria à prò di l’associu Rêves de Gosse.
Iss’impegnu caritativu hè impurtanti pà l’associu, chì hà aghjà aiutatu un urfanatu à u Maroccu è i vittimi di u tarramottu chì hà toccu issu paesu annu.
Steti à senta à Jean-Paul Cappuri à nomu di l’associu Sporting Bastia 92.
Via iss’evenimentu, si lintarà un’uchjata à l’associu Rêves de Gosse, purtatu in Corsica da Romain Garcia. Iss’associu, natu in u 2018, aiuta più di 200 ziteddi in Cismonti, tocchi da infirmità fisichi o difficultà mintali.
U scopu di Rêve de Gosse hè d’aiutà issi ziteddi à intigrà si à mezu à ziteddi ditti « urdinarii ».
Dopu ad avè prupostu attività in ghjiru à u Tarraniu annu, l’associu n’hà da prupona quist’annu tanti altri, liati à a timatica di i Ghjochi Ulimpichi. Iss’attività si farani in cullaburazioni cù parichji attori di l’aducazioni.
Steti à senta à Romain Garcia
