L'association Pompianges Jules Bourgeois à l'assaut du GR20
L’associu Pompianges Jules Bourgeois, chì s’impegna à porghja aiutu à i parenti addulati da a perdita d’un ziteddu, hà da piddà issa statina l’Alta Strada.
St’associu di u Meziornu à Punenti lla francia intarveni in ugni tarritoriu, da stà à senta, sustena, purtà cunfortu, prupona suluzioni altirnativi o gruppi di parolla.
A famidda di Jules, mortu in un accidenti lla strada è chì sunniaia di fà l’Alta Strada, hà dicisu di dà carri à u so sonniu, è à tempu di sinsibilizà l’aienti.
U babbu, spinghjifocu di mistieri, hè u prisidenti di l’associu. Hà luttatu parichji volti contru à i foca di furesta, cù a Sicurità Civili lla Corsica.
Iss’avvinta di l’Alta Strada, ni voli fà una stonda di spartera vera, arrimbendu si à i valori d’aiutu è di sulidarità ch’iddu porta u sport.
Steti à senta à Landry Bourgeois, u prisidenti di l’associu Pompianges.
