L’associu i Chjachjaroni si hà da impignà in l’animazioni lli carrughji purtivichjacci
(A ridazzioni d'Alta Frequenza) - Com’è ugni annu, l’associu i Chjachjaroni si hà da impignà in l’animazioni lli carrughji purtivichjacci.
U 21 di ghjunghju, pà a Festa lla Musica, ci sarà un cuncertu gratisi à u tiatru di l’anziana usina di suvaru, è ugni musicanti in brama di sunà ci pudarà participà.
Basta tandu à piddà cuntattu capu nanzi cù l’associu, da difinì ni i mudalità tecnichi. Ben’intesa, i Chjachjaroni ani privistu d’altri attività : cuncerti cù Jean Menconi è MariDé, riprisintazioni tiatrali par chjuchi è maiori.
I dati d’iss’attività vi sarani annunciati longu à a statina, à nantu à l’ondi d’Alta Friquenza.
Steti à senta u prisidenti di l’associu I Chjachjaroni, ch’urganizighja tutti iss’evenimenti.
