L'agglomération de Bastia partie prenante du programme Entreprendre au cœur des Territoires
A Banca Publica d’Invistimenta finanza par tuttu u tarritoriu iniziativi di sviluppu di i impresi, via u prugrama Entreprendre au Coeur des Territoires.
A Cumunità d’Agglumirazioni di Bastia, a Camara di Cumerciu è d’Industriu di a Corsica, a Camara di i Mistieri è di l’Artisgianatu è A Prova ani avutu u so prughjettu cumunu ritinutu da a BPI, chì hà da finanzà 150 000 di i 400 000 € di u so valori.
Sinu à u 2025, s’ani da aiutà da 130 à 180 prughjetti d’impresa, da ch’iddi si poschini avvià è stabilizà. In stu quadru chivi, hè u cori lla cità di Bastia chì hè cuncirnatu u più.
Steti à senta i spiicazioni di Serge Linale, u viciprisidenti lla CAB in carica lli cartulari ecunomichi.
A CCI si hà da cunsacrà principalmenti à a prima incubazioni è à a incubazioni di i impresi è di i prughjetti, virifichendu ni u ghjudiziu, è aiutendu li à metta in anda i so reti.
Steti à senta à Jean-François Paoli, à nomu di a CCI lla Corsica.
A Camara di i Mistieri è di l’Artisgianatu si hà da impignà in i prughjetta di u so sittori, com’è quiddi di u bastimentu.
Steti à senta à Jean-Charles Martinelli.
À a cuupirativa A Prova, l’hà da tuccà a parti a più uriginali d’issu prughjettu, via un business game. Cù issi ghjoca, si cunfrontani i purtadori di prughjetti à i rialità di a vita ecunomica, ghjuvendu si di simulatori di gistioni d’impresa.
Steti à senta à Denis Pinelli, à nomu di A Prova.
Sur le même sujet
