L'AC Ajaccio fête les 20 ans du titre de champion de France
L’AC Aiacciu fistighjighja issa sittimana i vint’anni llu so titulu di campion’ di francia di siconda divisioni.
Arrimbendu si à l’amicali di l’anziani di l’ACA è a i sustinidori, a squadra voli fà d’iss’arricordiu un evenimentu.
Sinu à u 9 d’aprili, in a sala Jean Schiavo di l’uffiziu di turismu llu paesu aiaccinu, ci sarà una mostra da ramintà l’epuppea di i campioni di tandu : anziani maglietti purtati, ritratti, rivisti di stampa, bigletti è prugrami di scontri sarani sposti.
À nantu à a calata Napulionu, piazza Campinchi, sò stati missi ritratti tamanti.
Sabbatu u 9 d’aprili, u ghjornu di u scontru contru à Pau, ci sarani i fistività longu à a ghjurnata. L’anziani ghjucadori sarani ricivuti da a municipalità, è parichji accolti di sustinidori marcarani issa ghjurnata.
Steti à senta à Christelle Combette, a prisidenti di l’OIT llu paesu aiaccinu.
Pà a squadra, si tratta di fà d’issa ghjurnata una stunda di fervida spartera, cù 20 anziani ghjucadori prisenti.
Johan Cavalli, u cuurdinatori spurtivu di l’ACA, spieca ch’iddu hè impurtanti di ramintà si lla storia lla squadra, multiplichendu evenimenti cumpagni è - parchì micca ? - imaginendu un museu di l’ACA in u novu stadiu.
Steti à senta à Johan Cavalli.
Sur le même sujet
