L'AC Ajaccio, club de football qui s'engage dans la défense des intérêts de la Corse
(A redazzioni d'Alta Frequenza) - L'AC Aiacciu, attori impegnatu di a sucità corsa ! L'hà dimustrata torna calchì ghjornu fà, à l'uccasioni d'una partita di campiunatu in Lens, cù tutti i ghjucadori aiaccini chì purtavani una maglia cù un missaghju scrittu in parechji lingui nantu : "U Brocciu solu fattu in Corsica", pà cuntistà u trattatu cummirciali novu trà l'Unioni Aurupea è u Canadà (u CETA). Un accordu chì scludi ssu casgiu da i prudutti d'Appellazioni d'Urighjini Prutetta (AOP), chì pudaria essa di fattu pruduttu, trasfurmatu è elaburatu fora di Corsica in quantità industriali, cù tutti i cunsiquenzi ch'è no pudemi induvinà. In fin di simana scorsa, u vici presidenti di u club, Alanu Orsoni, ricivia in Timizzolu pruduttori è presidenti di i camari d'agricultura, di cummerciu è di mistieri di Corsica Suttana pà cunfirmà u so impegnu nant'à ssu tarrenu. L'ACA si voli ingaghjà di manera piena in a difesa di l'intaressi di a Corsica à parechji nivelli, ancu s'ellu devi firmà neutru da un puntu di vista puliticu com'è club di ballò.
Steti à senta à Alanu Orsoni.
Sur le même sujet
