Karaté : L'ACA Arts Martiaux devient le club n°1 en France
(A redazzioni d'Alta Frequenza) - L'AC Aiacciu Arti Marziali hè divintatu u club numaru 1 in Francia ssa dumenicata. In fatti, u club aiaccinu, direttu da Jean Michel Feracci, hà guadantu trè premii di campioni di Francia ssa dumenicata, è un titulu di vici campioni in quattru categurii sfarenti. Alexandra Feracci hà allargatu u so palmares. Hè campiona di Francia senior. Ind'è i juniors, hè a so surella Laetitia Feracci chì hè cullata nant'à u puntu u più altu di u podium, cù un titulu di campiona di Francia par ella dinò. In una categuria più ghjovana, u titulu naziunali hè statu guadantu da Gabriel Miniconi. Infini, ind'è i più chjuchi, Christina Calzaghe hà compiu siconda ed hè dunqua vici campiona di Francia. Dopu à ssi premii, u club di l'ACA Arti Marziali diventa di fattu u club rifarenza à u nivellu naziunali. Parchì micca cullà più altu, cù un titulu di campioni di u mondu ? Pà u presidenti di u club, Jean Michel Feracci, ùn hè micca un'utupia d'imaghjinà un affari simuli.
Steti à senta à Jean Michel Feracci.
