Jumeaux disparus à Levie: comment ils ont été retrouvés
(A redazzioni d'Alta Frequenza) - Si ni sà di più oramai nant'à i circustanzi chì ani purtatu à ritruvà i dui zitelli spariti dipoi vennari à sera in Livia (Corsica Suttana). Versu mezanotti è mezu stanotti, un abitanti di i lochi hà intesu pienti. I ricerchi sò stati più impurtanti tandu in ssu settori parmittendu di ritruvà à Yanis, u primu binellu. Appena disidratatu ma in bona saluta, u zitellu hè statu presu in carica da un medicu sopralocu prima d'essa mandatu à l'uspidali d'Aiacciu. Partendu da ssu situ quì, à 1 chilometru di a casa di l'assistanti materna chì ricivia i zitelli, i gendarmi aiutati da un ghjacaru Saint Hubert, ani ritrovu Mehdi versu sei ori è mezu di mani. Ss'ultimu era più stancu cà u so fratellu ma in bona saluta dinò. Hè statu traspurtatu anch'ellu à l'uspidali d'Aiacciu, dopu essa statu presu in carica da una squadra medicali in Livia. Una fini filici dunqua dopu à più di 24 ori d'angoscia.
Sur le même sujet
