Le Direct

Joseph Colombani et un autre agriculteur jugés le 3 décembre pour destruction de biens publics

Oghji in Bastia, ùn hè stata cusì chieta a ghjurnata, postu ch’iddu si hè parlatu di l’affari di Joseph Colombani, prisidenti lla camara d’agricultura llu Cismonti, è di Philippe Flori, un altru agricultori. Tremendui erani intruti luni in u scagnu llu dirittori lla DDTM.
Issu marcuri à novi ori, dunqua, Joseph Colombani hè andatu dirittamenti à u palazzu lla ghjustizia di Bastia, par avè una discursata cù a pracura, innanzi ch’iddu sichi purtatu à u cumissariatu da essa ci intesu.
Parichji dicini d’agricultori ani aspittatu calchì ora davanti à u cumissariatu. Chivi d’altrondi, hè partita a baruffa trà l’agricultori è i forzi di l’ordini, è trè abitanti sò stati scumudati da i gasi lacrimatoghji, è presi in carica da i spinghjifoca.
Versu i trè ori è mezu, i dui agricultori sò isciuti cù una cunvucazioni in tribunali currizziunali, in Bastia, u 3 di dicembri. Ci sarani ghjudicati par distruzzioni di bè publichi.
A senta à Joseph Colombani, gramazia à issa mubilisazioni, nè iddu nè Philippe Flori ùn sò stati in audizioni sinu à ghjovi matina.
Stemu lu à senta.