José Thorel condamné pour diffamation à l'encontre d'Alain Orsoni
(A redazzioni d’Alta Frequenza) - A ghjustizia hà resu arimani (marti) a so dicisioni inde l’affari chì uppunia José Thorel à Alanu Orsoni. Iss’ultimu avia mandatu l’anzianu prucuratori d’Aiacciu in diffamazioni. A 17a camara di u tribunali currezziunali di Parighji hè dunqua andata à prò di a dumanda di u presidenti di l’ACA è hà cundannatu l’attuali prucuratori di Papeete à 4000 auri d’amenda di modu attimpatu, 4000 auri di preghjudizii è intaressi è 3000 auri di spesi di ghjustizia. José Thorel pò fà appellu di issu ghjudiziu. Ùn si sà ancu, par avà, a so dicisioni à issu sughjettu.
