José Rossi a proposé à Camille de Rocca Serra de conduire la liste UMP aux territoriales
(A redazzioni d'Alta Frequenza) - Camille de Rocca Serra pà purtà a lista UMP à l'alizzioni tarrituriali di dicembri in Corsica. Sicondu u ghjurnali Corse Matin, hè José Rossi chì hà fattu ssa pruposta à u diputatu di Corsica Suttana. L'accordu prividaria chì in casu di vittoria, Camille de Rocca Serra, com'è capilista, divintessi presidenti di l'Assemblea di Corsica, mentri chì José Rossi, chì saria tandu numaru trè, pighjessi l'Esecutivu. Camille de Rocca Serra ùn hè ancu à dà una risposta. Ramintemi quantunqua chì a Cumissioni Naziunali d'Investitura di l'UMP hà dumandatu calchì ghjornu fà chì i militanti di l'isula sighini cunsultati pà pudè sceglia l'omu chì purtarà a lista duranti l'alizzioni di u 6 è di u 13 di dicembri.
