Jean-Marc Ayrault: la diversité, mais sélective
(A redazzioni d'Alta Frequenza) - A difesa di a diversità culturali, un affari chì s'imponi à tutti ! L'infrasata ùn hè micca stata ditta da Ghjuvan Guidu Talamoni o Ghjuvan Cristofanu Angelini à a tribuna di l'assemblea di Corsica ma da Jean Marc Ayrault davanti à quilla di l'assemblea naziunali. Sapemi di sicuru chì ss'infrasata hè stata stratta da un dibattitu nant'à u scambiu libaru trà i Stati Uniti è l'Auropa, un accordu, rammintemu la, chì t'avaria micca pà scopu di pruteghja a cultura è l'industrii culturali contr'à a "marcantisazioni", ma bè di liberalizà ssi scambii quì. È s'è no pudemi dà raghjoni à l'argumentazioni di u Primu ministru nant'à ssa marcantisazioni, vali à dì a lotta di u Camembert è di Molière contr'à Coca Cola è Mickey, ci pudemi pona certi quistioni nant'à a selettività di a so argumentazioni. S'è sicondu Jean Marc Ayrault ùn hè micca riazziunariu, saria ancu u prugressu di difenda a diversità culturali, parchì tandu a Francia ùn hà micca ratificatu a cartula nant'à i lingui minuritarii chì và ghjustu appuntu à prò di ssa diversità ? Di chì si tratta tandu ?
Écoutez un extrait significatif de l'intervention de Jean-Marc Ayrault; c'était il y a quelques jours devant l'assemblée nationale.
Sur le même sujet
