Jean-Luc Mélenchon en meeting ce soir à Bastia
(A redazzioni d’Alta Frequenza) - Principiu di a campagna pà l’alizzioni prisidinziali in Corsica oghji (marcuri) cù Jean-Luc Mélenchon. In fatti, u candidatu di u Fronti di Manca tinarà un meeting stasera à 6 ori è 30 in Bastia, inde l’hall Pepito Ferretti, quartieru Montesoru. Accumpagnatu da Pierre Laurent, secretariu naziunali di u Partitu Cumunistu, è di u presidenti di l’Assemblea di Corsica Dominique Bucchini, prisintarà i grandi ligni di u so prughjettu com’è par asempiu u SMIC à 1 700 auri o u ritornu à i 35 ori. Un spiazzamentu in furia senza passà pà Aiacciu pà u candidatu, chì vultarà dumani matina in Parighji da priparà un dibattitu televizatu.
Sur le même sujet
