Le Direct

Jean-Guy Talamoni demande à Gilles Simeoni de saisir la justice pour réclamer tests et chloroquine pour la Corse

(A ridazzioni d'Alta Frequenza) - « Dopu chì u tribunali amministrativu di a Guadaluppa achi custrettu l’ARS à cumandà test è cluruchina », Jean-Guy Talamoni hà scrittu duminica matina à u prisidenti llu cunsigliu esecutivu, da ch’iddu faccia, ancu iddu, una dimarchja cumpagna in ghjustizia.

U prisidenti di l’Assemblea di Corsica vurria ch’iddi sichini presi in contu i dumandi di u Cullittivu Anti-Covid, chì Antoine Aiello n’hè u prisidenti.

Pensa Jean-Guy Talamoni chì issa ghjurisprudenza lla Guadaluppa devi purtà à a missa in anda di dirugazioni pà a Corsica.

« A Corsica devi essa prutetta in urgenza, com’idd’hè stata ricumandata da l’urganisazioni di i medichi corsi è da l’Università, accolti in u cullittivu Anti-Covid ».

« Ci voli à fà prestu, à veru » hà dittu u prisidenti di l’Assemblea di Corsica, chì dumanda à quiddu di l’esecutivu d’andà davanti à a ghjustizia.

Stemu à senta à Jean-Guy Talamoni.