Jean-Félix Acquaviva et Paul-André Colombani se rendent à la centrale d'Arles
Luni, Jean-Félix Acquaviva è Paul-André Colombani sò andati in prighjoni cintrali d’Arles, pà a prima volta dipoi l’assassiniu d’Yvan Colonna, u 2 di marzu. I dui diputati sò andati à u riscontru di Sébastien Mattei, un amicu d’Yvan Colonna, chì hè statu missu à l’isulamentu dopu avè dittu ch’iddu si sintia minacciatu. L’omu dumanda d’altrondi à essa avvicinatu in Borgu.
« Semu vulati à nantu à u locu llu drama », hà dittu Jean-Félix Acquaviva à Corse-Matin.
« Issa visita simbolica moscia chì no’ semu sempri attenti, innanzi ch’idda s’avvii a cumissioni d’inchiesta parlamintaria », hà pricisatu l’elettu.
« Ci semu ripusiziunati in lu cuntestu lla prighjoni », dici u diputatu, « è t’avemu oramai un’idea più pricisa di i cuntradizzioni intesi mentri i primi audizioni. Ma iss’affari ùn pò rimpiazzà ciò chì no’ aspittemu : a publicazioni llu raportu », hà dittu in chjudenda Jean-Félix Acquaviva.
