Je ne sais pas si vous êtes experte en économie mais en termes d’humanité vous ne l’êtes pas : le coup de gueule de Bianca Fazi
Vennari, in sissioni di l’assemblea di Corsica, Bianca Fazi hà rispostu cù forza à Christelle Combette è Jean-Charles Orsucci, upposti à u Green Pass.
A Cunsiglieri Esecutiva in carica lla saluta hà lintatu un' argumintazioni di prima trinca, liendu a so carica à l'Assemblea à quidda di medicu urgintistu.
« Vo’ chì prupuniti ? nienti ! Saria bè chì certi s'invistischini », hà dittu Bianca Fazi « ma ùn n’aghju micca vistu tantu di i vosci vena à u spidali à fà i brancaldieri, cuntrariamenti à certi associ, o à certi medichi, com’è u duttori Pernin, chì si hè ancu chjappu u COVID ».
« Uppuniti l'ecunumia è a saluta... un si pò accittà ciò chì vo’ feti » hà ancu dittu Bianca Fazi.
« Ciò chì vi disturba, hè chì a staghjoni sichi persa, micca pà i chjuchi, ma pà i maiori… Ùn la socu sè vo’ seti sperta in ecunumia, ma in umanità, mancu stampa » hà dittu a Cunsiglieri Esecutiva à a intinzioni di Christelle Combette chì, cù l’altri eletti di u gruppu « Pà l’avvena », si n’hè andata da a sissioni dopu à issa imparullata.
