Jalonnement des bateaux de plaisance à Ajaccio : modifications de circulation et appel à la vigilance
Ghjovi u 24 d’austu, à parta si da novi ori di sera, i pulizzieri llu cumissariatu d’Aiacciu, aiutati da i CRS, ani da accumpagnà è pruteghja u trasportu di parichji navi di sciali di quiddi maiori, in lu quadru di i so missioni di sicurità.
Succedini à spissu iss’uparazioni, masimu in a staghjoni di missa in ritiru di i navi, ma issa volta si facini à pena spiciali, parvia di u portacu novu lla strada tarrituriali 21, innanzi à u ghjiratoghju lla Gravona, in u sensu di a isciuta. Issa disposizioni imponi una circulazioni à contra sensu à nantu à una bedda parti d’issa strada cusì fraquintata, spieca a DDSP2A.
U contra sensu à nantu à a ST21 si hà da fà da u ghjiratoghju di M. Bricolage à quiddu di a Gravona, è tandu ci vurrà ancu à chjuda a ST20 è a ST40. Longu à iss’uparazioni chì si duvariani fà trà novi ori è undici ori di sera, è chì duvariani durà una meza ora, a DDSP dumanda à l’aienti di piddà a ST22, via Balioni, par entra in Aiacciu o escia ni.
Uparazioni cumpagni, ci ni pudaria ancu essa dinò, in tantu ch’iddi si faccini i travadda da pudè righjirà u portacu.
Sur le même sujet
