Jacques Paoli assassiné au fusil de chasse à Abbazia hier soir
(A redazzioni d’Alta Frequenza) - Novu umicidiu in Corsica Suprana, arisera (dumenica). Versu 7 ori è mezu, Jacques Paoli hè cascatu sottu à balli di un tiradori. A vittima era in casa soia, in Abbazia, quand’ella hè stata tocca una prima votla à u bracciu. I colpi sò partuti da fora, è pari chì un’arma di caccia di grossu calibru sia stata utilizata. Mentri chì era feritu Jacques Paoli, u tiradori hè intrutu ind’a casa di legnu è l’hà toccu di modu murtali in capu, nanzi di svaniscia si ind’a notti. A cumpagna di Jacques Paoli è un’amica erani sopralocu, quandu chì i fatti sò accaduti. Un’ora dopu, una vittura era ritrova brusgiata trà Aleria è Cervioni. Un perimetru di securità hè statu missu in ballu subbitu, è l’inchiesta hè stata principiata guasgi à tempu. Nisuna ipotesi hè sclusa. Jacques Paoli, anzianu militanti naziunalistu, t’avia 58 anni ed era allivadori. Di farraghju scorsu, a so vittura era stata tocca da un attentatu nant’à a cumuna di Prunelli di Fium’Orbu.
Sur le même sujet
