Jacques Mézard, ministre de la cohésion des territoires est en Corse aujourd’hui et demain
(A redazzioni d'Alta Frequenza) - Jacques Mézard, ministru di a cuesioni di i tarritorii hè in Corsica oghji è dumani (vennari è sabbatu). Cù Pierre Savelli, François Tatti è Laurent Marcangeli, duvaria amintà i prughjetti chì i cità di Bastia è d’Aiacciu volini purtà pà rinfurzà i centri di i so cità, inde u quadru di u pianu « azzioni cor’di cità » induv’elli sò stati ricunisciuti. Duranti ssu viaghju, Jacques Mézard trattarà dinò cù l’eletti è i pruprietari suciali lucali l’inghjochi spicifichi di l’alloghju nant’à l’isula. Amintarà ancu u prughjettu di legi nant’à l’evuluzioni di l’alloghju, di l’accunciamentu è di u numericu (ELAN). Dopu, u ministru hà da visità i quartieri à meziornu di Bastia è quillu di i Jardins de l’Empereur in Aiacciu inghjiru à i prublematichi di u rinnovu urbanu. Infini, u ministru andarà in Appiettu « par amintà cù u so merri, ma dinò cù quilli di i cumuni à l’intornu d’Alata è di Villanova i difficultà ch’elli cunoscini l’eletti nant’à u tarrenu pà sviluppà un urbanisimu raghjunatu à u crucivia di a legi liturali, di a legi muntagna è di a valurisazioni di u patrimoniu naturali ». Un’ultima tematica chì ci hà da vulè à suvità in particulari, quandu si sà chì u Presidenti Macron avia apartu quantunqua a porta à una pussibilità di mudificà a legi liturali.
