Jacqueline Gourault à Gilles Simeoni : tout ne peut pas venir uniquement de l'État
(A ridazzioni d'Alta Frequenza) -
Vultemu una stunda à nantu à a visita in Corsica di Jacqueline Gourault, in principiu di sittimana. A sicritaria di statu hà fattu parichji dibattiti à u sughjettu lla campagnalità, hà avutu una discursata cù u CESEC è, ben’intesa, hà scontru i sirvizia llu statu. À liveddu puliticu, cambiamenti, par avali, ùn si ni vidi, da una sponda à l’altra llu Maritarraniu. Eppuri in Cristinacce, Gilles Simeoni, u prisidenti di u Cunsigliu Esecutivu lla Corsica, si hè imparullatu è bè cù Jacqueline Gourault. Par iddu, semu in traccia di lacà filà un’uccasioni storica di fà avanzà u cartulari lla Corsica. L’hà ditta è ripituta à a sicritaria di statu, amintendu i piricula d’una situazioni cumpagna. « Semu in traccia di baddà à nantu à un vulcanu » hà dittu u prisidenti di l’esecutivu. Hà rispostu subbitu Jacqueline Gourault, chì si hè ferma in a so pusitura. Si hè cuntintata di dì chì « tuttu ùn pò vena unicamenti da u statu ».
Stemu à senta a sicritaria di statu Jacqueline Gourault
Sur le même sujet
