#Iwas & violences sexuelles en Corse : après la vague sur internet, une manifestation pour éveiller les consciences ce dimanche à Bastia
Cunsiquenza di l’affari dittu di u #Iwas, è di a libarazioni lla parolla di pettu à i viulenzi sissuali in Corsica, ci sarà una manifistazioni duminica à 6 ori di sera, davanti à u palazzu di ghjustizia di Bastia.
À u principià di ghjunghju, parichji ghjuvanetti, ma ancu ghjuvanotti, ani palisatu essa stati vittimi d’agrissioni è viulenzi sissuali. Pà i casi i più grevi, si tratta ancu di peduffilia.
L’assalti, fatti certi volti da parsoni scunnisciuti, sò à spissu quiddi d’amichi o parenti, à ciò ch’iddu si ni dici.
Discità i cuscenzi di pettu à issi viulenzi in Corsica è fà avanzà i cosi, hè u scopu di l’urganisatrici lla manifistazioni.
Steti à senta à Anaïs Mattei, una di l’urganisatrici, chì hà tistimuniatu via u #Iwas.
Sur le même sujet
