Interventions de la SNSM à Roccapina
Sabbatu dopu meziornu, i salvadori à mari di u centre SNSM di Prupià sò intarvinuti par succora un ghjuvanottu di tredici anni chì avia avutu un accidenti bagnendu si in i circonda à Meziornu di Roccapina, à torru à a turri ghjinuvesa ditta d'Olmetu.
U ghjuvanottu, ciuttendu da circa dui metra è mezu d'altu, hà minatu di capu in i cantona immersi, è tandu si hè fertu.
Gramazia à a geolucalusazioni fatta via un tilifuninu, i succorsa l'ani pussutu lucalizà prestu è piddà in carica.
Fattu li un primu bilanciu midicali supra à locu, a vittima hè stata cundiziunata à bordu di u SNS731, po' paramidicalizata da a infirmiera SNSM, rispundindu à una dumanda di u medicu rigulatori di u SAMU 2A.
Tandu, u ghjuvanottu hè statu avviatu in portu di Tizzà.
Da culandi, un'ambulanza di i spinghjifoca l'hà purtatu à u spidali, in Sartè.
