Intervention compliquée pour les sapeurs pompiers dans le Travu
(A redazzioni d'Alta Frequenza) - Intarvinzioni propiu difficiuli pà i pumpieri di Corsica Suprana, chì avarà durata guasgi dodici ori ! In fatti, arimani (luni) versu 2 ori u dopu meziornu, ind'u fiumi di u Travu, nant'à a cumuna di Chisà, un ghjuvanottu di 22 anni, chì facia u canyoning, s'hè ritrovu bluccatu, a so ghjamba essendu à mezu à dui scoghji. Pà caccià lu, i succorsi sò stati ubligati à utilizà un gennaru di martellu specificu risistendu à l'acqua, pà sciappà i scoghji. U ghjuvanottu, chì s'hè sciappatu a ghjamba, hè statu traspurtatu à l'uspidali versu dui ori di mani. Ss'uparazioni avarà mubilizatu ondici parsoni ind'è i pumpieri è dui medichi di u SAMU.
