Intercommunalités en Haute-Corse : il n'y aura pas de "super" Balagne
(A redazzioni d'Alta Frequenza) - Calmu, ascoltu è accunsentu. Eccu ciò chì riassumi a prima di i quattru riunioni di a CDCI in Corsica Suprana, urganizata ssu luni. In fatti, a Corsica Suprana duvarà renda u 31 di marzu, com'è tutti i dipartimenti, u so schema novu di l'intercumunalità. Di fattu, sò stati amintati i cartulari di a "Super" Balagna è di a fusioni pruposta trà Capicorsu, Nebbiu è Conca d'Oru. Pà u sicondu, u Capicorsu tinarà a so indipendenza mentri chì u Nebbiu è a Conca d'Oru s'ani da uniscia. Pà u prima cartulari, u più difficiuli, una suluzioni abbastanza ghjusta hè stata trova. S'ella ùn ci sarà micca una "Super Balagna", dui intercumunalità ani da fà una fusioni quantunqua, quilli di L'Isula Rossa è di i Cinqui Pievi, mentri chì l'intercumunalità di Calvi-Balagna ùn cambiarà micca. Ss'accordu, vutatu in cumissioni, è accittatu da u prifettu parchì rispittendu i normi demugrafichi dirugatorii pussibuli, hè a seguita logica di l'uppusizioni putenti di a maghjurità larga di i cumuni à u prughjettu prupostu da u prifettu, quillu di l'intercumunalità unica.
Steti à senta à Frédéric Mariani, u merri d'Olmi Cappella è rapurtadori in ssu cartulari.
Sur le même sujet
