Intercommunalité : Pierre Marcellesi tire à boulets rouges sur la loi NOTRe
(A redazzioni d'Alta Frequenza) - Dumandà di più tempu pà difiniscia un schema alternativu à i dui schemi di cuuperazioni intercumunali prisintati da u Statu ! Eccu ciò ch'elli ani dicisu arimani (marcuri) i raprisintanti di l'intercumunalità è a direzzioni pulitica di l'Assemblea di Corsica. Tutti i participanti sò stati d'accunsentu pà dì, in una bella unanimità, chì i schemi prisintati da i dui prifetti ùn sò mancu appena o pocu adattati à a Corsica. Ani da scriva in furia à u Prima ministru pà veda appiecatu u rispettu di i dicisioni di l'Assemblea di Corsica. Pà Pierre Marcellesi, u presidenti di a cumunità di cumuni di l'Alta Rocca, a legi NOTRe ùn hè mancu appena adattata à i rialtà lucali isulani.
Steti à senta à Pierre Marcellesi, chì hà participatu cù tant'altri, è pà l'Alta Rocca, à a rivolta contr'à ssu prughjettu.
