Le Direct

Intempéries : le point sur la situation en Corse

(A redazzioni d'Alta Frequenza) - Ci sò stati parechji intarvinzioni di i succorsi in Corsica Suprana duranti a ghjurnata (luni), liati suventi à u gattivu tempu di ss'ultimi 24 ori è à u timpurali ind'u dipartimentu. A cità di Corti hè priva d'acqua è inundazioni più o menu impurtanti sò accaduti inde cumerci è casi di Vezzani, San Niculau, o di Bastia par asempiu. U dipositu di Porto Latino, ind'a citadella di San Fiurenzu hà brusgiatu. Ancu di grazia, ci hè stata nisun vittima. Ùn si sà ancu par avà s'è u focu hè partutu par via di a saetta o d'altru affari; si ni sapparà di più grazia à un'inchiesta. In Corsica Suttana, parechji petri sò falati nant'à a strada par asempiu ind'u settori di u meziornu stremu è di Purtivechju.