Le Direct

Intempéries en Haute-Corse : des habitants secourus, des routes coupées, les transports scolaires suspendus ce mercredi

(A ridazzioni d'Alta Frequenza) - Finalmenti, l’acquati forti d’issu marti, in Cismonti, ani fattu uni pochi di danni impurtanti, spicialmenti versu i Fulelli. In a risidenza San’Pellegrinu, un zitiddonu di tredici anni è una donna d’una sissantina d’anni sò stati succorsi. Dopu à a piena llu Fium’altu, trè parsoni sò stati salvi da l’elicottaru lla sicurità civili. Quaranta altri parsoni sò stati missi in sicurità. A circulazioni hè stata taddata in parichji loca : à nantu à a SD 46 in e Valle d’Orezza, à nantu à a SD146 trà Rapaghju (Acqui d’Orezza) è Carpinetu, à nantu à a SD71 trà e Valle d’Alisgiani è Felce, à nantu à a ST 10 versu San’Ghjulianu, ma ancu à nantu à a SD346 in Pulverosu, à nantu à a SD 205 in Quercitellu, à nantu à a SD515 in a Croce, à nantu à a SD506 in Piedicroce è infini, à nantu à a SD46 in a Munacia d’Orezza. Cacciati à Balagna è u Nebbiu, trasporti sculari ùn ci ni sarà, dumani matina, in Cismonti.