Inscription de la Corse dans la Constitution : le Président de la République favorable via la refonte de l'article 72
(A redazzioni d'Alta Frequenza) - A ricunniscenza custitutiva è a scrizzioni di a Corsica in a Custituzioni era una di i parti di u discorsu d'Emmanuel Macron assai aspittata. U Presidenti di a Republica hà dittu ch'ellu era favurevuli à quissa quì grazia à un cambiamentu di l'articulu 72. Hè a me cunvizzioni parsunali, hà dittu Emmanuel Macron, aghjustendu chì i Presidenti Talamoni è Simeoni l'aviani fattu sapè chì ssu dirittu à a sfarinziazioni ùn bastava micca. Dicendu ch'ellu hà intesu ssu missaghju è di pettu à u fattu chì a Corsica ùn hè nè a Nova Caledonia, nè a so Picardia natali, Emmanuel Macron hà prupostu un travaghju nant'à u fondu è riflessioni spartuti nanzi à parechji altri". Ciò chì hè sicuru, hè chì nè u statutu di residenti, nè a cuufficialità di a lingua ùn pudarani fà parti di i discussioni è di u cuntinutu futuru di st'articulu. Dui rivindicazioni chì faciani tuttu l'inghjocu di ssa mudificazioni custituziunali. Ancu s'è l'eletti duvariani participà à ss'intratteni è riunioni di travaghju, hè soca difficiuli di vedaci una finestra chì bastessi di pettu à i pochi pussibulità ch'ellu arricaria l'articulu 72 à u nivellu di l'autunumia linguistica, fiscali o fundaria.
Steti à senta à Emmanuel Macron, u Presidenti di a Republica.
