Insalubrité, climat social : les personnels de la Pouponnière de Corse tirent la sonnette d'alarme
Luni, i parsunala lla ciucciaghja lla Corsica, gistita da a struttura mutualista UMCS, ani lampatu una chjama à veru inchieta.
T’ani u pinseri maiori di lucala malsani à veru, chì i parsunala ci avariani trovu pontichi è scaravazzuli, è ancu una sarpi, dui sittimani fà. Finghji l’acqua in issi lucala, è ùn sò rispittati i normi, cù i letti lli ziteddi posti dirittamenti in tarra.
Issa ciucciaghja, chì s’accoddi ziteddi chì poni avè sinu à trè anni, parvia di pinsera in famidda, ni conta dighjà più ch’idd’ùn ni pò tena, postu ch’idda n’hà deci, inveci chì di regula ùn ni pò piddà chè sei.
Cusì, hè pessimu l’ambiu suciali in issa struttura : tricariani à essa pagati i misati, i spartitempi sò tracarchi, è tira avanti è passa.
I impiicati dumandani dunqua à i puteri publichi ch’iddi trovini à calchissia da ripiddà issa struttura, chì oghji, à senta li, l’UMCS ùn hè più lighjittima à gistì la.
Stemu à senta à Mélanie Guilbert, Ausiliaria puiricultrici
