Inondations : Analyse de la Chambre régionale d'agriculture
(A redazzioni d'Alta Frequenza) - U riscaldamentu climaticu, "ùn c'hè cà Trump chì ùn ci credi micca!" Ss'infrasata appena scherzosa hè quilla di u presidenti di a Camara regiunali d'agricultura ma chì porta quantunqua à rifletta nant'à l'usu di u spaziu in a perspettiva di cambiamenti climatichi impurtanti. Oghji, c'hè nant'à u tarrenu a visita ufficiali di a cumissioni dipartimintali di i calamità agriculi. Ùn c'hè bisognu à essa un sapientonu par induvinà u so scopu; intrimi in u tempu attivu di a valutazioni di i disguasti pà metta in ballu u più prestu pussibuli i pruceduri d'indennisazioni. Ma aldilà di ssu prublema puntuali, ci n'hè un antru, più impurtanti soca : a multiplicazioni di ssi fenomeni climatichi parossistichi è da ssu puntu di vista ci voli à studià a quistioni di manera seria.
Hè u parè di Ghjaseppu Colombani è a voli dì; eccu l'intervista di u presidenti di a Camara regiunali d'agricultura.
