Incidents après SC Bastia - PSG : le Sporting communique
(A redazzioni d'Alta Frequenza) - Dopu à l'evenimenti chì sò accaduti sabbatu à sera annant'à a cumuna di Furiani, u Sporting Club di Bastia voli arricà u so sustegnu à tutti i parsoni tocchi da ss'incidenti. Cundannendu senza riserva qualsiasi forma di viulenza, u Sporting "voli ramintà dinò chì a so missioni hè d'urganizà partiti di ballò". Rispundendu à un sindicatu di pulizzeri, u club cunsidareghja ch'ellu ùn pò lacà dì chì i funziunari ghjuvariani di "carri à cannoni" in Furiani. U Sporting "ùn pudarà adimmeta nisun ricriminazioni, com'ellu ricusa di manera sicura i divagazioni di qualsiasi sindicatu prufiziunali o muvimentu puliticu "cumunizanti" chì provani, ùn si sà parchì, di prisintà Furiani di una manera fantisimata è puliticamenti urientata."
