Incendies : la Corse solidaire se met à la disposition de la Sardaigne
photo SRIS STC
Sò tanti è più i missaghja di sustegnu ch’idda manda a Corsica à a Sardegna, tocca da foca trimendi.
U prisidenti di l’esecutivu, Jean-Christophe Angelini, Cori in Fronti o ancu l’anzianu prisidenti llu SIS2A ani fattu tistimugnanza lla so sulidarità è a so emuzioni.
Gilles Simeoni dumanda à u guvernu francesu è à u guvernu talianu di metta in anda u micanisimu aurupeanu di sicurità civili, da chì u SIS2A è u SIS2B poschini mandà supr’à locu meza umani è matiriali.
In quantu à u STC lli spinghjifoca lla Corsica, si dumanda s’idda ci hè calchì spiranza di veda una culonna tarrituriali corsa purtà aiutu à i nosci vicini sardi, chì si patini foca tarribuli. Dici u sindicatu chì i spinghjifoca corsi sò in brama di purtà aiutu à i so pari sardi.
Via a prifittura, u statu francesu hà dittu sta sera ch’iddu era à a dispusizioni di l’auturità taliani, da porghja senza altru un aiutu tarrestru, dopu ad avè mandatu 2 Canadair.