Incendies en Haute-Corse
(A redazzioni d'Alta Frequenza) - Parechji fochi si sò dichjarati ssu luni dopu meziornu in Corsica Suprana. I più impurtanti sò partuti ind'u settori di Lentu - Castellu di Rustinu, duva in tuttu 10 ettari di piccula machja sò stati distrutti, mentri chì in Verdese, una superficia d'8 ettari di filetta hè stata parcorsa. Mezi umani sò bastati pà ssi sfarenti intarvinzioni. A circulazioni hè stata diragnata un certu tempu nant'à a RN 193 par via di què. Da nutà chì altri fochi, di minima impurtanza, sò partuti dinò in Balagna.
