Incendies en Haute-Corse
(A redazzioni d'Alta Frequenza) - Dui fochiu sò partuti ssu dopu meziornu (marcuri) in Corsica Suprana, veramenti menu impurtanti di pettu à quilli chì ani toccu u dipartimentu ssu marti. U più impurtanti hè partutu à quattru ori è novi nant'à a cumuna di Linguizzetta è hà distruttu 5 000 m2 di machja grossa. Mezi umani è aerei sò stati mubilizati. Ssu sinistru hè ammaistratu. In Ulmeta di Capicorsu infini à dui ori, 100 m2 di machja sò stati tocchi ; postu chì i lochi erani difficiuli d'accessu, mezi aerei è omi traspurtati cù un elicotteru sò stati mandati quantunqua sopralocu.
Sur le même sujet
