Incendies en Corse
(A redazzioni d'Alta Frequenza) - Un focu impurtanti s'hè dichjaratu in principiu di dopu meziornu (ghjovi) in Corsica Suprana, nant'à a cumuna di Prunelli di Fium'Orbu. Issu focu, sempri in corsu, hà dighjà sfracicatu guasgi 60 ettari di vegetazioni. Numarosi mezi umani è aerei sò mubilizati da pudè ammaistrà a situazioni. Da nutà chì un Canadair intarvinendu nant'à issi lochi hà scuntratu calchì prublema, dopu ad'essa statu toccu da un acellu. Nisun'feritu malgradu tuttu da rilevà. Altru focu, sta volta in Corsica Suttana, nant'à a cumuna di Pianottuli. Dui ettari di machja grossa sò stati calcinati ; iss'ultimu hè oramai spintu.
